Ibutrix er bólgueyðandi lyf með verkjastillandi og hitalækkandi verkun. Virka efnið íbúprófen dregur úr myndun prostaglandínefna í líkamanum, en þau valda meðal annars bólgumyndun. Ibutrix er ætlað til skammtímameðferðar við vægum til meðalmiklum verkjum og við hita. er notað við...
Ibutrix er bólgueyðandi lyf með verkjastillandi og hitalækkandi verkun. Virka efnið íbúprófen dregur úr myndun prostaglandínefna í líkamanum, en þau valda meðal annars bólgumyndun. Ibutrix er ætlað til skammtímameðferðar við vægum til meðalmiklum verkjum og við hita. er notað við liðagigt, slitgigt, tíðaverkjum, tannpínu, höfuðverk og sem verkjalyf eftir minni háttar aðgerðir. Lyfið er einnig notað til að lækka hita hjá börnum.
Reikna skal skammtinn út frá líkamsþyngd. Eftirfarandi tafla sýnir dæmigerða skömmtun, sem getur
verið breytileg eftir ábendingu:
Aldur/líkamsþyngd Ráðlagður skammtur
3 til 6 mánaða (~ 5 – 7 kg) 50 mg (2,5 ml), 3svar á dag
6 mánaða til 1 árs (~ 7 – 10 kg) 50 mg (2,5 ml), 3 til 4 sinnum á dag
1 til 4 ára (~ 10 – 16 kg) 100 mg (5 ml), 3svar á dag
4 til 7 ára (~ 16 – 25 kg) 150 mg (7,5 ml), 3svar á dag
7 til 10 ára (~ 25 – 32 kg) 200 mg (10 ml), 3svar á dag
10 til 12 ára (~ 25 – 40 kg) 300 mg (15 ml), 3svar á dag
Þó önnur lyfjaform íbúprófens (t.d. íbúprófen 200 mg, 400 mg eða 600 mg töflur) séu yfirleitt notuð,
má nota Ibutrix ef það er erfitt að kyngja töflum, í 15 ml til 20 ml skömmtum (jafngildir 300 mg til
400 mg), 3 til 4 sinnum á dag. Hjá börnum og unglingum er hámarksskammturinn 2400 mg/dag.
