Lífrænt Matcha og hindberja súkkulaði 80gr

Gómsætt, öðruvísi og ögrandi súkkulaði sem maður nýtur niður í tær að láta bráðna upp í sér….og felur helst fyrir gestum og gangandi… Ljúfengt bragðið af þessu handgerða hvíta matcha súkkulaði, sem þó er grænt, verður til með fullkominni blöndu af Moya Matcha Daily te, hindberjum og kakóbaunasmjöri. Við elskum þetta súkkulaði eiginlega aðeins of mikið og á matchakeimurinn þar stóran þátt í því. Bragðið af matcha er þó alls ekki yfirgnæfandi og sætleiki súkkulaðisins passlegur og í jafnvægi við matchabragðið, en súkkulaðihandverksmenn La Naya verksmiðjunnar spara ekki matcha í framleiðslu á þessum gullfallegu súkkulaðiplötum. Þurrkuðu villtu hindberin gefa súkkulaðinu lúmskt súrsætt ávaxtabragð sem setur algjörlega punktinn yfir i-ið. Allt hráefnið í þessari einstöku súkkulaðiplötu er lífrænt og glútenlaust.