Dolorin Junior

Virka efnið í Dolorin Junior er parasetamól, sem er þekkt fyrir verkjastillandi og hitalækkandi verkun sína. Auk þess að vera verkjastillandi og hitalækkandi þá hefur það eftirfarandi eiginleika: Það hefur ekki áhrif á slímhúð magans og því geta þeir sem hafa meltingartruflanir notað lyfið. Það hefur ekki áhrif á blóðstorknunarferlið þegar það er tekið í ráðlögðum meðferðarskömmtum og í skamman tíma og má því nota það samhliða segavarnarlyfjum. Hinsvegar hefur parasetamól í meðferðarskömmtum enga bólgu- eða gigtareyðandi verkun öfugt við salisýlöt.