Lyfin þín í áskrift,
skömmtuð og afhent

Einfalt, öruggt
og þægilegt

Lyfjaskömmtun hentar einstaklingum á öllum aldri sem taka lyf að staðaldri og vilja einfalda líf sitt, spara tíma og auka öryggi við lyfjainntöku.

Lyfjunum er pakkað í skammta fyrir hverja inntöku og fær notandi þau afhent í rúllu þar sem hver skammtur er sérmerktur.

Kostir lyfjaskömmtunar

Skilmálar lyfjaskömmtun

Skilmálar Lyfjavers vegna lyfjaskömmtunar fyrir einstaklinga
Með rafrænni undirritun, samþykkir einstaklingur að Lyfjaver ehf, kt. 550998-2039, annist fyrir sig lyfjaskömmtun í samræmi við eftirfarandi skilmála:
Lyfjaver annast lyfjaskömmtun eftir upplýsingum frá viðskiptavini. Verði breytingar á lyfjaávísun skal Lyfjaveri tilkynnt um það tafarlaust og minnst 10 dögum fyrir upphaf næsta skömmtunartímabils. Viðskiptavinur ber allan kostnað láti hann ekki vita um breytingar innan ofangreindra tímamarka.
Lyfjaver sér til þess að allar breytingar á lyfjaskömmtun séu rekjanlegar í gögnum til samræmis við gildandi lög og reglugerðir.
Óski viðskiptavinur eftir að fá lyf sín reglulega send heim, sér Lyfjaver til þess að lyfjaskammtur berist samningsaðila tímanlega áður en nýtt skömmtunartímabil hefst.
Samningsverð tekur breytingum í samræmi við breytingar á lyfjaverði, skammtastærðum og þjónustugjöldum skv. verðskrá Lyfjavers á hverjum tíma.
Lyfjakostnaður miðast við opinbert lyfjaverð skv. lyfjaverðskrá sem gefin er út af Lyfjastofnun og/eða þeim reglum um lyfjaverð sem í gildi eru á hverjum tíma. Þar sem ofangreint á ekki við miðast kostnaður við gildandi smásöluverð. Lyfjaver leitast við að bjóða lægsta viðmiðunarverð lyfja en velji viðskiptavinur dýrari lyf greiðir hann mismuninn. Skömmtunar- og heimsendingargjöld eru innheimt skv. gjaldskrá.
Viðskiptavinur skuldbindur sig til að greiða fyrir öll lyf sem skömmtuð eru fyrir hann á meðan ekki hefur verið tilkynnt um skömmtunarstopp. Skömmtunarstopp skal tilkynna með skriflegum hætti t.d. með tölvupósti á netfangið skommtun@lyfjaver.is a.m.k. 10 dögum áður en næsta skömmtunartímabil hefst. Viðskiptavinur sjálfur ber alltaf endanlega ábyrgð á að skömmtunarstopp sé tilkynnt tímanlega óháð því hvar hann er staddur á hverjum tíma t.d. ef hann er innritaður á sjúkrastofnun.
Skömmtuð lyf sem ósótt eru í apótek eða viðskiptavinur hefur ekki móttekið í heimsendingu fyrnast á 4 vikum frá upphafsdegi skömmtunar skv. reglugerð. Eftir þann tíma er þeim eytt af Lyfjaveri en viðskiptavini ber engu að síður að greiða fyrir þau ásamt eyðingargjaldi sem innheimt er skv. gjaldskrá.
Heimsendingar fara fram alla virka daga. Takist ekki að afhenda skömmtuð lyf eftir tvær tilraunir eru lyf geymd hjá Lyfjaveri þar til viðskiptavinur hefur samband. Innheimt er auka heimsendingargjald ef fara þarf þriðju ferð.
Farið er með allar upplýsingar sem tengjast skilmálum þessum sem trúnaðarmál.
Samkomulag um lyfjaskömmtun gildir frá undirritun skilmála þessa, þar til annar hvor aðili segir því upp skriflega og með a.m.k. eins mánaðar fyrirvara
Greiðsla fer fram við afhendingu lyfja í apóteki. Vegna heimsendra lyfja stofnast mánaðarlegar greiðslukröfur í banka með eindaga 3ja virka dag næsta mánaðar sem viðskiptavinur samþykkir að greiða í síðasta lagi á eindaga.
Viðskiptavinir sem óska eftir skuldfærslu af kreditkorti geta skráð sig inn á lyfjaver.is með rafrænum skilríkjum og vistað kortanúmerið. Ekki er tekið við greiðslukortanúmerum í gegnum síma.

Hvernig byrja ég í lyfjaskömmtun?

Til að hefja lyfjaskömmtun eru nokkur atriði sem við þurfum að fá frá þér.

Skömmtunarlyfseðla frá heilsugæslu.
Upplýsingar um lyf og vítamín sem á að skammta.
Upplýsingar um heilsugæslu og lækni.
Greiðslu og afhendingarleiðir.

Þú færð frekari upplýsingar í skráningarforminu hér

Fyrir frekari upplýsingar er hægt að hafa samband við Lyfjaver á lyfjaver@lyfjaver.is eða hringja í síma 533 6100.

Kostnaður lyfjaskömmtunar

Greitt er fyrir þau lyf sem skömmtuð eru hverju sinni, auk skömmtunargjalds.

Skömmtunargjald

1.050 kr. fyrir 1 viku

1.595 kr. fyrir 2 vikur
3.190 kr. fyrir 4 vikur
4.350 kr. fyrir 6 vikur

Heimsending í boði hvert á land sem er fyrir 1.599 kr.
Önnur gjöld geta komið til.

Afhendingarleiðir

Hægt er að sækja í apótek Lyfjavers.
Heimsending heim að dyrum á höfuðborgarsvæðinu með Lyfjaversskutlunni.
Heimsending í boði hvert á land sem er með Póstinum.
Lyfjaver sinnir skömmtun fyrir fjölda apóteka og einnig er hægt að nálgast skömmtun hjá einu þeirra.

Apótek sem Lyfjaver skammtar fyrir

Akureyrarapótek, Apótek Garðabæjar, Apótek Vesturlands Akranesi, Borgarnesi og Ólafsvík, Íslandsapótek, Lyfjaval fjöldi apóteka, Reykjanesapótek, Reykjavíkur Apótek, Rima Apótek og Urðarapótek.