Valsartan Jubilant - Filmuhúðuð tafla

Valsartan Jubilant tilheyrir flokki lyfja sem kallast angíótensín II blokkar, sem hjálpa til við að hafa
stjórn á háum blóðþrýstingi. Angíótensín II er efni í líkamanum sem veldur æðasamdrætti og þar með
hækkuðum blóðþrýstingi. Valsartan Jubilant verkar með því að hamla áhrif angíótensín II. Afleiðing
þess er að það slaknar á æðunum og blóðþrýstingurinn lækkar.

Valsartan Jubilant filmuhúðaðar töflur má nota við þremur mismunandi ábendingum:
- til meðhöndlunar á háum blóðþrýstingi hjá fullorðnum og börnum og unglingum, 6 til
18 ára. Hár blóðþrýstingur eykur álag á hjarta og slagæðar. Ef hann er ekki meðhöndlaður getur
hann skemmt æðar í heila, hjarta og nýrum og leitt til slags, hjartabilunar eða nýrnabilunar. Hár
blóðþrýstingur eykur hættu á hjartaáfalli. Með því að lækka blóðþrýsting í eðlilegt gildi dregur
úr hættu á þessum sjúkdómum.
- til meðhöndlunar eftir nýlegt hjartaáfall (hjartadrep) hjá fullorðnum sjúklingum.
„Nýlegt” á í þessu tilfelli við á bilinu 12 klukkustundir til 10 dagar.
- til meðhöndlunar á hjartabilun með einkennum hjá fullorðnum sjúklingum. Nota má
Valsartan Jubilant til meðferðar við hjartabilun með einkennum hjá fullorðnum sjúklingum.
Valsartan Jubilant er notað þegar ekki er hægt að nota lyfjaflokk sem nefnist ACE-hemlar
(Angiotensin Converting Enzyme inhibitors), (lyf notuð til meðhöndlunar á hjartabilun) en
einnig má nota það til viðbótar ACE-hemlum þegar ekki er hægt að nota önnur lyf við
hjartabilun. Einkenni hjartabilunar eru, meðal annars, mæði og bólga á fótum og fótleggjum
vegna vökvasöfnunar. Það er vegna þess að hjartavöðvinn getur ekki dælt blóðinu út í líkamann
af nógu miklum krafti.

Verið getur að læknirinn hafi ávísað lyfinu við öðrum sjúkdómi eða í öðrum skömmtum en tiltekið er í
þessum fylgiseðli. Ávallt skal fylgja fyrirmælum læknis og leiðbeiningum á merkimiða frá lyfjabúð.