Spectracillin - Mixtúruduft, dreifa

Spectracillin inniheldur
• Virku efnin eru amoxicillín og klavúlansýra. Eftir blöndun inniheldur 1 ml af mixtúru 80 mg af
amoxicillíni (sem amoxicillín þríhýdrat) og 11,4 mg af klavúlansýru (sem kalíum klavúlanat).
• Önnur innihaldsefni eru: gúargúmmí, sílíkon tvíoxíð, vatnsfrí kísilkvoða, vatnsfrítt
þrínatríumsítrat, vatnsfrí sítrónusýra, appelsínubragðefni [maísmaltódextrín, umbreytt vaxkend
maíssterkja (E 1450), natríumsítrat (E 331)], trópíkalbragðefni [maltódextrín, glúkósi, arabískt
gúmmí (E 414), pektín (E 440)], sítrónubragðefni [maltódextrín, glúkósi, arabískt gúmmí (E
414), pektín (E 440)], aspartam (E 951).
• Fyrir nánari upplýsingar um tiltekin innihaldsefni Spectracillin, sjá kafla 2.

Útlit og innihald Spectracillin
Hvítt til ljósgult duft; eftir blöndun með vatni fæst einsleit mixtúra, dreifa

Umbúðir: 1 flaska í öskju inniheldur 6,3 g, 12,6 g eða 25,2 g af dufti.
Þegar búið er að blanda með vatni innheldur flaskan 35 ml, 70 ml eða 140 mg af fullbúinni mixtúru.

Í öllum pakkningum er að finna mæliskeið þannig að hægt sé að gefa 1,25 ml, 2,5 ml eða 5 ml af
mixtúrunni. Að auki er í öllum pakkningum skömmtunarsprauta þannig að hægt sé að gefa allt að 5 ml
af mixtúrunni með 0,1 ml nákvæmni.

Spectracillin er einnig til í töfluformi.


Markaðsleyfishafi og framleiðandi

Markaðsleyfishafi og framleiðandi
Tarchomińskie Zakłady Farmaceutyczne „Polfa” Spółka Akcyjna
ul. A. Fleminga 2
03-176 Warszawa
Pólland

Umboðsaðili á Íslandi
Williams & Halls ehf.
Reykjavíkurvegur 62
220 Hafnarfjörður
Ísland

Þessi fylgiseðill var síðast uppfærður í desember 2024.

Fræðsla:
Sýklalyf eru notuð til þess að meðhöndla sýkingar af völdum baktería. Þau hafa engin áhrif gegn
sýkingum af völdum veira.

Stundum bregst bakteríusýking ekki við sýklalyfjameðferð. Ein algengasta ástæða þess er að bakterían
sem veldur sýkingunni er ónæm fyrir sýklalyfinu sem verið er að nota. Þetta þýðir að bakterían getur
lifað af og jafnvel fjölgað sér þrátt fyrir sýklalyfið.

Það eru margar ástæður fyrir því að baktería getur orðið ónæm fyrir sýklalyfjum. Varkár notkun
sýklalyfja getur minnkað líkurnar á því að bakteríur myndi ónæmi fyrir þeim.

Þegar læknirinn ávísar sýklalyfi fyrir þig er það einungis ætlað til að meðhöndla þann sjúkdóm sem þú
ert með núna. Með því að fylgja eftirfarandi ráðleggingum hjálpar þú til við að koma í veg fyrir tilvist
ónæmra baktería sem gætu valdið því að sýklalyfið hættir að virka.

1. Það er mjög mikilvægt að þú notir sýklalyfið í réttum skömmtum, á réttum tíma og í þann tíma sem
ráðlagður er. Lestu leiðbeiningarnar og ef það er eitthvað sem þú ekki skilur, leitaðu þá ráða hjá
lækninum eða lyfjafræðingi.
2. Þú ættir ekki nota sýklalyfið nema því hafi verið ávísað sérstaklega handa þér og þú ættir aðeins að
nota það til að meðhöndla þá sýkingu sem því var ávísað fyrir.
3. Þú ættir ekki að nota sýklalyf sem hefur verið ávísað fyrir aðra manneskju, jafnvel ekki þó að
viðkomandi hafi haft sýkingu sem var lík þeirri sýkingu sem þú ert með.
4. Þú ættir ekki að gefa öðrum sýklalyfið sem þú fékkst ávísað.
5. Ef einhver sýklalyf eru afgangs þegar þú hefur lokið meðferðinni, eins og læknirinn ráðlagði, skaltu
fara með afganginn í apótekið til eyðingar.


--------------------------------------------------------------------------------------------------------------------------
Leiðbeiningar um undirbúning lyfsins fyrir notkun

Undirbúningur dreifunnar

Áður en tilskildu rúmmáli af hreinu vatni er bætt við flöskuna skal hrista hana til þess að losa um duftið

6,3 g af dufti fyrir 35 ml af tilbúinni dreifu

Flösku sem inniheldur 6,3 g af dufti skal fylla að marki á miðanum með vatni (31 ml). Hristið þar til
að einsleit mixtúra, dreifa hefur myndast. Látið standa og fyllið að marki ef þess er þörf. Tilbúin
dreifa er 35 ml.

12,6 g af dufti fyrir 70 ml af tilbúinni dreifu
Flösku sem inniheldur 12,6 g af dufti skal fylla að marki á miðanum með vatni (62 ml). Hristið þar til
að einsleit mixtúra, dreifa hefur myndast. Látið standa og fyllið að marki ef þess er þörf. Tilbúin
dreifa er 70 ml.

25,2 g af dufti fyrir 140 ml af tilbúinni dreifu
Flösku sem inniheldur 25,2 g af dufti skal fylla að marki á miðanum með vatni (124 ml). Hristið þar
til að einsleit mixtúra, dreifa hefur myndast. Látið standa og fyllið að marki ef þess er þörf. Tilbúin
dreifa er 140 ml.

Hristið flöskuna kröftuglega fyrir hverja gjöf.

5 ml af tilbúinni dreifu inniheldur 400 mg af amoxicillíni og 57 mg af klavúlansýru.
2,5 ml af tilbúinni dreifu inniheldur 200 mg af amoxicillíni og 28,5 mg af klavúlansýru.
1,25 ml af tilbúinni dreifu inniheldur 100 mg af amoxicillíni og 14,25 mg af klavúlansýru.