Noradrenalina Normon - Innrennslisþykkni, lausn

Noradrenalina Normon 1 mg/ml innrennslisþykkni, lausn inniheldur

Virka innihaldsefnið er noradrenalínbitartrat. Hver ml af lausn inniheldur 1 mg af
noradrenalínbitartrati (10 mg í 10 ml lykju).
Önnur innihaldsefni (hjálparefni) eru: natríumklóríð, natríummetabísúlfít (E223), saltsýra eða
natríumhýdroxíð og vatn fyrir stungulyf.

Útlit Noradrenalina Normon og innihald pakkans
Lausnin sem er að finna í Noradrenalina Normon 1 mg/ml lykjunum er gagnsæ, litlaus eða nánast
litlaus. Pakkningin inniheldur 10 lykjur.

Markaðsleyfishafi og framleiðandi

LABORATORIOS NORMON, S.A.
Ronda de Valdecarrizo, 6 – 28760 Tres Cantos – Madrid
Spánn


Þetta lyf hefur markaðsleyfi í löndum Evrópska efnahagssvæðisins undir eftirfarandi heitum:

Spánn: Noradrenalina Normon
Ísland: Noradrenalina Normon

Þessi fylgiseðill var síðast uppfærður í október 2021.


<------------------------------------------------------------------------------------------------------------------------>

Eftirfarandi upplýsingar eru einungis ætlaðar heilbrigðisstarfsmönnum:

Noradrenalina Normon 1 mg/ml innrennslisþykkni, lausn verður að gefa í bláæð:

Upphafsskammtur er gefinn á hraðanum 8 til 12 míkrógrömm (frá 0,008 til 0,012 mg) (basi) á mínútu,
skammturinn er aðlagaður þar til æskilegum blóðþrýstingi er náð.

Til viðhalds er innrennslishraðanum breytt í 2 til 4 míkrógrömm (0,002 til 0,004 mg) (basi) á mínútu,
stilltur í samræmi við svörun sjúklingsins.

Ef um er að ræða blóðsýkingarlost, skal aðlaga skammtinn í u.þ.b. 0,5 míkróg/kg/mín. (að hámarki 1,0
míkróg/kg/mín.) til að ná fram æskilegum meðal blóðþrýstingi.
Mælt er með að gefa 2 - 2,5 míkróg/kg/mín skammt af dópamíni samhliða til að vinna gegn
æðasamdrætti til að tryggja hæfilega blóðrás í nýrum og milta.

Noradrenalín lausn til innrennslis í bláæð er útbúin með því að bæta 4 mg af noradrenalíni (basi) í
1 lítra af 5% glúkósalausn. Lausnin sem verður til inniheldur 4 míkróg (0,004 mg) af noradrenalín
(basa) í hverjum ml. Hafa skal í huga að 1 ml af noradrenalíntartrati jafngildir 0,5 mg af noradrenalín-
basa.

Noradrenalín Normon 1 mg/ml innrennslisþykkni, lausn er hægt að nota sem neyðarúrræði til að
viðhalda innrennsli þar til uppbótarmeðferð með blóðrúmmáli er lokið.

Lengd meðferðar:
Innrennsli skal haldið áfram þar til fullnægjandi blóðþrýstingur og gegnflæði í vefjum helst án
meðferðar. Draga skal smám saman úr innrennsli noradrenalíns og forðast að hætta gjöf skyndilega.
Í sumum tilvikum hefur verið greint frá æðasamfalli vegna bráðs hjartadreps sem hefur þurft
meðhöndlun í allt að 6 daga.

Hefðbundinn skammtur fyrir börn:
Innrennsli í bláæð 0,1 míkróg (basa)/kg/mín. stillt smám saman þar til æskilegum blóðþrýstingi er náð,
allt að 1 míkróg (basa) /kg/mín.

Þegar lyfinu er bætt við staðdeyfilyf, innihalda þessar lausnir noradrenalínþéttni um 1: 200.000
(5 míkróg/ml).