Minifom - Dropar til inntöku, fleyti

Verið getur að læknirinn hafi ávísað lyfinu við öðrum sjúkdómi eða í öðrum skömmtum en tiltekið er í
þessum fylgiseðli. Ávallt skal fylgja fyrirmælum læknis og leiðbeiningum á merkimiða frá lyfjabúð.

• Minifom er notað við ungbarnakveisu

Uppsöfnun lofts í maga og þörmum er talin vera ein aðalástæða ungbarnakveisu. Aukin uppsöfnun
lofts er yfirleitt vegna þess að barnið gleypir of mikið loft. Loftið sem gleypt er myndar loftbólur og
froðu sem kemur í veg fyrir að loftið losni. Það safnast saman og veldur magaþembu og verkjum.
Minifom dregur úr einkennum ungbarnakveisu með því að draga úr yfirborðsspennu sem veldur því að
froðan brotnar niður og loftbólurnar hverfa. Minifom verkar beint á loftið í þörmunum og er ekki tekið
upp í líkamanum. Full verkun lyfsins næst ekki fyrr en eftir nokkurra daga meðferð. Síðan er meðferð
haldið áfram án hléa.

• Magaspeglun og röntgenrannsókn með skuggaefni

Minifom er notað við undirbúning magaspeglunar (rannsókn á maganum með sérstökum
speglunartækjum) og sem hjálparefni við röntgenrannsóknir þegar notuð eru skuggaefni (sérstök
röntgenrannsókn) á maga og ristli. Droparnir minnka yfirborðsspennu. Það veldur því að froða í
maganum og ristli brotnar niður, loftbólur hverfa og skyggnið í rannsókninni verður betra.