Imigran - Nefúði, lausn

Imigran inniheldur

Virka innihaldsefnið er súmatriptan (10 mg eða 20 mg).
Önnur innihaldsefni eru:
Kalíumtvíhýdrógenfosfat, tvínatríumfosfat (vatnsfrítt), brennisteinssýra, natríumhýdroxíð og hreinsað
vatn.

Lýsing á útliti Imigran og pakkningastærðir
Imigran nefúði, lausn 20 mg/skammt er fáanlegt í pakkningu með 2 og 6 stakskömmtum.

Imigran Juvenil nefúði, lausn 10 mg/skammt er fáanlegt í pakkningu með 2 og 6 stakskömmtum.

Ekki er víst að allar pakkningastærðir séu markaðssettar.

Markaðsleyfishafi og framleiðandi

Markaðsleyfishafi:
GlaxoSmithKline Pharma A/S
Delta Park 37
2665 Vallensbæk Strand
Danmörk

Framleiðandi:
GlaxoSmithKline Manufacturing S.p.A.
Strada Proviniale Asolona N.90, San Polo Torrile (PR)
Parma
Ítalía

Umboð á Íslandi
Vistor ehf., sími: 535-7000

Þessi fylgiseðill var síðast uppfærður í ágúst 2025.

Ítarlegar upplýsingar um þetta lyf eru birtar á http://www.serlyfjaskra.is.

NOTKUNARLEIÐBEININGAR

Lesið notkunarleiðbeiningarnar vandlega og fylgið þeim ráðleggingum og leiðbeiningum sem eru
gefnar. Geymið notkunarleiðbeiningarnar þannig að auðvelt sé að nálgast þær og helst í öskjunni
með lyfinu.


• Imigran nefúða er pakkað í sérpakkningu og inniheldur aðeins einn skammt.
Nefúðinn er aðeins notaður einu sinni.
Geyma þarf nefúðann í þynnupokanum þar til rétt fyrir notkun.


Nefúðinn samanstendur af eftirfarandi hlutum:
• Nefstútur
• Fingragrip
• Stimpill, þegar ýtt er á bláa stimpilinn losnar skammturinn


1. Komdu þér þægilega fyrir.
2. Snýttu þér.



3. Taktu nefúðann úr þynnupokanum rétt áður en á að nota hann.




4. Haltu nefúðatækinu á milli fingranna eins og sýnt er á myndinni.
Mundu að það er aðeins einn skammtur svo ekki þrýsta á stimpilinn fyrr en
nefstúturinn er í nefinu.


5. Lokið annarri nösinni með að þrýsta með einum fingri á hlið hennar.




6. Stingdu nefstútnum í hina nösina, eins langt og hægt er með góðu móti (u.þ.b.
1 cm). Haltu höfðinu uppréttu eins og sýnt er á myndinni. Andaðu rólega að þér í
gegnum nefið (ekki sjúga upp í nefið) og þrýstu samtímis á bláa stimpilinn með
þumalfingrinum. Þú gætir fundið mótstöðu í stimplinum og stundum heyrist
smellur.
Fjarlægðu nefúðatækið. Andaðu út í gegnum munninn.

7. Haltu fyrir nefið í u.þ.b. 10 sekúndur þannig að lyfið renni ekki út. Þú skalt sitja
upprétt-/ur í 5 mínútur eftir að hafa notað nefúðann. Nefúðatækið er nú tómt og
má farga því. Nefúðatækið er búið til úr umhverfisvænum efnum og má farga með
heimilissorpi.

Ef Imigran er úðað í augun fyrir slysni á að skola þau vel með vatni. Ef þú finnur samt sem áður fyrir
ertingu í augunum skaltu hafa samband við lækninn.


Ráðleggingar:

Nefúðann á að geyma við lægri hita en 30C. Má ekki frjósa. Vont bragð sem gæti komið hverfur
fljótt, það getur verið merki um að nefúðinn er ekki notaður rétt. Algengustu mistökin eru að sjúga upp
í nefið þegar skammturinn er losaður. Þetta er ekki hættulegt en verkunin af nefúðanum getur
minnkað.