Fluoxetin WH - Hart hylki

Fluoxetin WH inniheldur virka efnið flúoxetín sem er þunglyndislyf og tilheyrir flokki lyfja sem kallast
sértækir serótónínendurupptökuhemlar (SSRI).

Lyfið er er notað við:

Fullorðnir:
Alvarleg þunglyndisköst.
Þráhyggju- og áráttusýki.
Lotugræðgi (bulimia nervosa): Fluoxetin WH er notað til viðbótar við sálræna meðferð til að draga úr
átköstum og búkhreinsun.

Börn og unglingar 8 ára og eldri:
Meðal til alvarlegt þunglyndi, ef ekki næst árangur eftir 4 - 6 skipti af samtalsmeðferð. Fluoxetin WH á
einungis að gefa börnum og unglingum með miðlungs til alvarlegt þunglyndi samhliða samtalsmeðferð.

Verkun Fluoxetin WH
Allir eru með efni í heilanum sem kallað er serótónín. Fólk sem á við þunglyndi eða þráhyggju- og
áráttusýki eða lotugræðgi að stríða, er með lægri gildi af serótóníni en aðrir. Ekki hefur fundist
fullnaðarskýring á því hvernig Fluoxetin WH og önnur SSRI-lyf verka, en þau geta hjálpað til við að
auka gildi serótóníns í heilanum.
Mikilvægt er að meðhöndla þessa sjúkdóma, til að hjálpa þér við að ná bata. Ef þeir eru ekki
meðhöndlaðir, getur ástand þitt orðið viðvarandi og getur auk þess versnað og orðið erfiðara að
meðhöndla.
Þú getur þurft á meðferð að halda í nokkrar vikur eða mánuði til að tryggja að þú losnir við einkennin.

Verið getur að læknirinn hafi ávísað lyfinu við öðrum sjúkdómi eða í öðrum skömmtum en tiltekið er í
þessum fylgiseðli. Ávallt skal fylgja fyrirmælum læknis og leiðbeiningum á merkimiða frá lyfjabúð.