Colrefuz - Tafla

Colrefuz inniheldur virka efnið colchicin. Það tilheyrir flokki þvagsýrugigtarlyfja og er notað til að
koma í veg fyrir eða meðhöndla þvagsýrugigtarkast.

Þvagsýrugigtarköst hjá fullorðnum
Colrefuz er notað við skammtímameðferð fullorðinna vegna bráðrar þvagsýrugigtar, svonefndra
þvagsýrugigtarkasta, og til að koma í veg fyrir að þvagsýrugigt taki sig upp aftur.
Þvagsýrugigt eykur þéttni þvagsýru í blóði. Slíkt getur leitt til útfellingar þvagsýrukristalla í liðvökva.
Colchicin hamlar bólguviðbrögðunum sem þetta veldur.

Arfgeng miðjarðarhafssótt
Colrefuz er auk þess ætlað til að meðhöndla arfgenga miðjarðarhafssótt til að koma í veg fyrir hitaköst
og mýlildi (óeðlilega úrfellingu próteina í vefjum og líffærum).

Leitið til læknis ef sjúkdómseinkenni versna eða lagast ekki.

Verið getur að læknirinn hafi ávísað lyfinu við öðrum sjúkdómi eða í öðrum skömmtum en tiltekið er í
þessum fylgiseðli. Ávallt skal fylgja fyrirmælum læknisins og leiðbeiningum á merkimiða frá
lyfjabúð.