Pevaryl samsett pakkning er notuð við sveppasýkingum í leggöngum. Til sjálfsmeðhöndlunar við sveppasýkingum fæst Pevaryl samsett pakkning án lyfseðils fyrir konur, sem hafa áður fengið meðferð á vegum læknis við sveppasýkingu í leggöngum og fá sömu einkenni að nýju. Leitið...
Pevaryl samsett pakkning er notuð við sveppasýkingum í leggöngum. Til sjálfsmeðhöndlunar við sveppasýkingum fæst Pevaryl samsett pakkning án lyfseðils fyrir konur, sem hafa áður fengið meðferð á vegum læknis við sveppasýkingu í leggöngum og fá sömu einkenni að nýju. Leitið til læknis ef sjúkdómseinkenni versna eða lagast ekki innan 7 daga.
Venjuleg notkun við sýkingum í leggöngum: Skeiðarstíll 150 mg: Setjið skeiðarstílinn hátt í leggöng (með oddmjóa hlutann á undan) að kvöldi fyrir svefn, 3 daga í röð. Þungaðar konur ættu að þvo hendur vandlega áður en notkun skeiðarstíla hefst (sjá kafla um meðgöngu, fyrir frekari leiðbeiningar, þar á meðal takmarkanir vegna notkunar á meðgöngu).
Venjuleg notkun við ytri sýkingar í kringum leggangaop og/eða á skapabörmum: Krem 1%: Berið kremið á í kringum leggangaop og/eða á skapabarmana 2-3 sinnum á dag þar til óþægindin eru horfin og í 3 daga til viðbótar. Hugsanleg meðhöndlun maka: Þvoið reður og forhúð með volgu vatni og berið Pevaryl krem á 2 sinnum á dag. Halda skal meðferðinni áfram þar til óþægindin eru horfin og í 3 daga til viðbótar.
