Otrivin Comp er samsett lyf, úr tveimur ólíkum efnum. Annað af virku efnunum minnkar nefrennsli og hitt dregur úr bólgum í slímhúð nefsins. Nota skal Otrivin Comp við bólgum í slímhúð nefsins og nefrennsli í tengslum við kvef. Ef læknir...
Otrivin Comp er samsett lyf, úr tveimur ólíkum efnum. Annað af virku efnunum minnkar nefrennsli og hitt dregur úr bólgum í slímhúð nefsins. Nota skal Otrivin Comp við bólgum í slímhúð nefsins og nefrennsli í tengslum við kvef. Ef læknir hefur ráðlagt þér að nota Otrivin Comp af öðrum ástæðum, skaltu ávallt fylgja fyrirmælum læknisins.
Ráðlagður skammtur fyrir fullorðna er einn úðaskammtur í hvora nös eftir þörfum, allt að þrisvar á sólarhring að hámarki í 7 daga. Að minnsta kosti 6 klukkustundir skulu líða milli tveggja skammta. Ekki nota fleiri en þrjár úðanir í hvora nös á sólarhring.Notkunarleiðbeiningar:
Snýttu þér ávallt áður en þú notar nefúðann.
Fyrir fyrstu notkun þarf að virkja úðadæluna með því að úða 4 sinnum út í loftið. Eftir það er úðadælan jafnan tilbúin til daglegrar notkunar á meðferðartíma. Haltu flöskunni lóðrétt.
Hallaðu höfðinu örlítið fram.
Haltu fyrir aðra nösina með fingrinum. Settu stútinn á nefúðaflöskunni í hina nösina. Ýttu hratt á úðadæluna um leið og þú andar inn um nefið.
Endurtaktu þetta í hina nösina.
