Cibdol CBD Hita og verkjakrem 26g

CBD hita- og verkjakreminu er ætlað að halda liðum og vöðvum sveigjanlegum sama hvort þú ert heima, í vinnunni eða í ræktinni. Mörgum þykir kremið tilvalið til þess að draga úr verkjum eða bólgum, t.d. eftir æfingar eða önnur líkamleg átök. Í þeim efnum er virkni CBD talin leika stórt hlutverk en í formúlunni er einnig að finna m.a. vanillyl butyl eter sem bæði hitar vöðvana og eykur blóðflæði smæstu æðanna sem í þeim eru.

Verkferlar, notkun og geymsla.
Í Cibdol CBD (Cannabidiol) hita- og verkjakreminu eru 52 mg af CBD sem unnið er af ítrustu fagmennsku úr iðnaðarhampi (Cannabis sativa jurt). Kappkostað er að önnur innihaldsefni séu einnig eins hrein og náttúruleg og frekast er unnt. Allir verkferlar að baki svissnesku Cibdol CBD vörunum eru GMP gæðavottaðir, jafnt í rannsóknarstofum sem framleiðslu. Best er að geyma kremið utan mikillar birtu og hita. Notist einungis útvortis.

www.cibdol.com

Ábending.
Barnshafandi konum eða mæðrum með barn á brjósti er ekki ráðlagt að nota verkjakremið. Rétt eins og önnur hitakrem gæti það valdið roða eða óþægilegri brunatilfinningu í viðkvæmri húð, m.a. vegna innihaldsefna á borð við Capasaicin, Camphor og Menthol.

Meira um CBD.

CBD hefur verið mikið í umræðu og fréttum víða um heim að undanförnu vegna fjölbreyttra áhrifa sinna til bættrar heilsu. Víðfeðmar undirbúningsrannsóknir gefa sterkar vísbendingar um ýmis jákvæð áhrif af tengingum CBD kannabínóða (e. cannabinoid) við endókannabínóðakerfið (e. endocannabinoid system (ECS)) sem verið hefur til staðar í lífríkinu og um leið manninum frá örófi alda. CBD er á meðal innihaldsefna í lyfseðilsskyldum tauga- og flogaveikislyfjum og víða í vísindasamfélaginu er viðurkenning á jákvæðum áhrifum CBD á t.d. kvíða, streitu og svefn ásamt því að þekkt virkni er t.d. á bólgur og verki. Langt er í frá að allar CBD vörur séu svipaðar. Þar getur m.a. munað um ólíkar ræktunar- og vinnsluaðferðir og sömuleiðis eru því miður dæmi um að raunverulegt magn af CBD sé minna en upp er gefið. Þess vegna þarf að velja framleiðendur af kostgæfni.