Broksil (ambroxól hýdróklóríð) 6 mg/ml x 100 ml saft Broksil inniheldur virka efnið ambroxól 6 mg/ml í 100 ml flöskum og er slímleysandi lyf (mucolytic). Ábendingar lyfsins eru: slímleysandi verkun, notað sem stuðningsmeðferð með bakteríulyfjum við öndunarfæra-sýkingum, einkum þegar um...
Broksil (ambroxól hýdróklóríð) 6 mg/ml x 100 ml saft
Broksil inniheldur virka efnið ambroxól 6 mg/ml í 100 ml flöskum og er slímleysandi lyf (mucolytic). Ábendingar lyfsins eru: slímleysandi verkun, notað sem stuðningsmeðferð með bakteríulyfjum við öndunarfæra-sýkingum, einkum þegar um er að ræða ofseytingu slíms í lungnaberkjum.
Lyfhrif lyfsins eru þau að það eykur seyti vökva í berkjum og barka, það dregur úr seygju slíms og örvar hreyfanleika bifhára þannig að flutningur slíms eykst. Þessi aukning á seyti vökva sem og losun slíms með bifhárum stuðlar að slímlosun úr öndunarvegi.
Vert er að hafa í huga að notkun þessa slímleysandi lyfs dregur úr seigju slíms og stuðlar að brotthvarfi þess, bæði með hreyfingu bifhára í húðþekju og hóstaviðbragði. Þess vegna má búast við auknu flæði seytis, auk uppgangs og hósta. Gæta skal varúðar þegar sjúklingum, sem ekki geta hóstað upp uppgangi að fullu, er gefið ambroxól þar sem uppsöfnun á seyti í lungnaberkjum getur átt sér stað. Einnig skal gæta varúðar þegar lyfið er gefið astmasjúklingum.
Saftin er ætluð til inntöku og skal taka inn eftir máltíð. Neðangreindar skammtastærðir eru ætlaðar fyrir upphafsmeðferð. Minnka má skammta um helming að 14 dögum liðnum. Broksil skal ekki nota lengur en 5-7 daga án samráðs við lækni.
Fullorðnir og unglingar eldri en 12 ára: 10 ml 2 sinnum á dag.
Börn á aldrinum 6 til 12 ára: 5 ml 2-3 sinnum á dag.
